پنجگور: یو سی دازی بونستان کے مکینوں کا بجلی بحران کے خلاف مظاہرہ

پنجگور ( نامہ نگار) یونین کونسل دازی بونستان کے مکینوں کا بجلی منقطع کرنے اور کیسکو کی ہٹ دھرمی کے خلاف سی پیک روڈ کو سرسانڈ کے مقام پر احتجاجاً بند کردیا جس کی وجہ سے گاڑیوں کی لمبی قطاریں لگ گئیں‘مسافروں کو شدید گرمی میں مشکلات کا سامنا مظاہرین نے کہا کہ پورے پنجگور میں ایک سال سے بجلی کا شدید بحران ہے بجلی چوروں اور نادہندگان کے خلاف کارروائی کی بجائے قانونی صارفین کو بلاجواز تنگ کیا جارہا ہے انہوں نے کہا کہ جب تک کیسکواپنا رویہ درست نہیں کرے گا احتجاج جاری رہے گا۔