نوشکی:چینی کی افغانستان اسمگلنگ فوری طور پر روکی جائے،بلدیاتی نمائندے

نوشکی (نامہ نگار) یونین کونسل جمالدینی کے کونسلر میر محمد اشرف جمالدینی اور میر جیند خان جمالدینی نے مشترکہ بیان میں کہا ہےکہ کوئٹہ سے نوشکی تک ایف سی پولیس لیویز ا ور کسٹم کے نصف درجن سے زائد چیک پوسٹ ہیں اس کے باوجود نوشکی کے راستے بڑی مقدار میں چینی کی افغانستا ن اسمگلنگ انتظامیہ اور سیکورٹی اداروں کی کارکردگی پر سوالیہ نشان ہے چینی اسمگلنگ کی روک تھام کو جواز بنا کر مسافروں بسوں کی تلاشی لی جاتی ہے جس سے مسافروں کو مشکلات اور وقت کے ضیاع سے دوچار ہونا پڑتا ہے لیکن اس کے باوجود چینی کی افغانستان اسمگلنگ کا سلسلہ جاری ہےجس سے مختلف سوالات جنم لے رہے ہیں انہوں نے وزیر اعلیٰ بلوچستان اور دیگر اعلیٰ حکام کی توجہ اس مسئلہ کی جانب مبذول کراتے ہوئے مطالبہ کیا کہ چینی کی افغانستان اسمگلنگ فوری طور پر روکی جائے۔