وزیر اعلیٰ کا وفاق سے میڈیکل سیٹوں میں اضافے کا مطالبہ

کوئٹہ(خ ن)وزیراعلیٰ بلوچستان میر عبدالقدوس بزنجو کی جانب سے وفاقی وزیر صحت عبدالقادر پٹیل اور صدر پاکستان میڈیکل اینڈ ڈینٹل کونسل اسلام آباد پروفیسر ڈاکٹر رضوان تاج کو ارسال کئے گئے دو الگ الگ مراسلوں میں لورالائی میڈیکل کالج، جھالاوان میڈیکل کالج اور مکران میڈیکل کالج میں تعلیمی سال 2022-2023 کیلئے ہر میڈیکل کالج کے لئے 11 اضافی نشستوں کے حساب سے 33 سیٹوں کے اضافے کی درخواست کی گئی ہے جس کی سفارش صوبائی کابینہ نے کی ہے مراسلے میں کہا گیا ہے کہ صوبائی کابینہ میں ہونے والے فیصلے کے مطابق پاکستان میڈیکل اینڈ ڈینٹل کونسل لورالائی میڈیکل کالج، جھالاوان میڈیکل کالج اور مکران میڈیکل کالج میں تعلیمی سال 2022 -23 کے لیے 33 اضافی سیٹوں کی گرانٹ کی منظوری کو سراہا جائے گا۔