کلمہ چوک ، پلر سے ٹکرا کر2موٹرسائیکلسوار جاں بحق،تیسرازخمی

لاہور(کر ائم رپو رٹرسے) ٹریفک حادثات میں 3افراد جاں بحق،ایک زخمی ہوگیا۔ 3موٹرسائیکل سوار کلمہ چوک انڈر پاس سے گزر رہے تھے کہ پلر سے ٹکرا کر 2 نوجوان موقع پرہی دم توڑ گئے ۔ ایک شدید زخمی ہوا ، جسے طبی امداد کیلئے جناح ہسپتال منتقل کردیاگیا۔ حادثے پر نگران وزیراعلیٰ پنجاب محسن نقوی نے متاثرہ خاندانوں سے ہمدردی کا اظہار کیا ہے ۔ اورزخمی کے علاج کیلئے ہدایات جاری کی ہیں، دوسرے حاد ثے میں شالیمار کے علاقہ بھوگیوال میں تیز رفتار ٹرالر نے موٹر سائیکل سوار 14 سالہ مدرسے کے طالبعلم کو کچل دیا ۔وہ موقع پر ہی دم توڑ گیا، شناخت نہیں ہوسکی ۔