جماعت اسلامی بوکھلا گئی،بہتان بازی کرنیوالے فاشسٹ ماضی یار رکھیں ،اسلم گل

لاہور(اپنے نامہ نگار سے)پاکستان پیپلز پارٹی لاہور ڈویژن کے صدر چودھری اسلم گل نے ایک بیان کہا ہے کہ جماعت اسلامی کراچی میں شکست پر بوکھلا چکی ہے۔جو انتخابی میدان میں ہار گئے وہ ایوان میں کیا مقابلہ کرینگے ۔ اسلم گل نے کہا کہ پیپلز پارٹی کی قیادت کیخلاف بہتان طرازی کرنیوالے اپنے فاشسٹ ماضی کو یاد رکھیں،ضیاء دور میں عبدالستار افغانی کو مئیر بنوانے والے اپنا داغدار ماضی مت بھولیں۔انہوں نے کہا کہ جماعت والے ایم کیو ایم کو دعا دیں جنکی سیاسی غلطی کے باعث اسے ووٹ ملے۔