ہماری فضائی حدود اب بھی امریکا کے قبضے میں ہے، افغان نائب وزیر دفاع

کابل (آئی این پی) افغانستان کے نائب وزیر دفاع مولوی محمد یعقوب مجاہد نے کہاہے کہ افغانستان کی فضائی حدود اب بھی امریکا کے قبضے میں ہے، امریکی طیاروں کی پروازیں دوحا معاہدے کی خلاف ورزی ہے، امریکی حکام سے روکنے کا مطالبہ کیا تھا ، افغان چینل کو انٹرویو میں طالبان حکومت کے نائب وزیر دفاع اور طالبان تحریک کے بانی ملا عمر مجاہد کے بیٹے محمد یعقوب مجاہد نے کہا کہ مخلوط حکومت کے نام پر غیر ملکی مداخلت کو قبول نہیں کیا جا سکتا،افغانستان کی فضائی حدود میں امریکی طیاروں کی موجودگی کے سوال پر افغان نائب وزیردفاع کا کہنا تھا کہ یہ فضائی حدود کی خلاف ورزی ہے۔