دنیا کے 10 مقبول سیاحتی ممالک میں پاکستان شامل نہیں، رپورٹ

کراچی (پی پی آئی)ماسٹر کارڈ اکنامک انسٹی ٹیوٹ نے 2023 کے دوران سفری رجحانات کے حوالے سے جاری رپورٹ میں بتایا گیا ہے کہ دنیا کے 10 مقبول سیاحتی ممالک میں پاکستان شامل نہیں ہے، جبکہ ساٹھ کی دہائی میں پاکستان بالخصوص کراچی دنیا بھر کے سیاحوں کے پسندیدہ مقامات میں شامل تھے۔خبررساں ادارے کے مطابق برطانیہ، امریکا، متحدہ عرب امارات اور فرانس دنیا کے سب سے پسندیدہ سیاحتی ملکوں کے حوالے سے اپنی پوزیشن برقرار رکھے ہوئے ہیں،سال رواں کے دوران مصر اور سعودی عرب دنیا کے 10 مقبول ترین سیاحتی ممالک کی فہرست میں شامل ہو گئے ہیں۔مصر ساتویں اور سعودی عرب 8 ویں نمبر پر ہے، سبق ویب سائٹ کے مطابق ماسٹر کارڈ کی رپورٹ میں توجہ دلائی گئی ہے کہ موجودہ مشکل بین الاقوامی معاشی صورتحال سے نمٹنے کے سلسلے میں نئے تجربات کا رجحان سر ابھار رہا ہے۔ کورونا وبا کے بعد سیر و تفریح کے سلسلے میں سفر کا رجحان بڑھتا جا رہا ہے۔