اعتماد کرنے پر قائد نوازشریف پارٹی رفقاء،عہدیداران کارکنوں کا شکریہ ، شہبازشریف

اسلام آ باد ( نیوز رپورٹر) وزیر اعظم شہباز شریف نے کہا ہے کہ میں قائد نواز شریف، پارٹی کے رفقاء اور عہدیداران اور کارکنوں کا شکریہ ادا کرتا ہوں کہ جنہوں نے مجھ پر اعتماد کا اظہار کرتے ہوئے مجھے پارٹی کی صدارت کیلئے منتخب کیا۔ اپنے ٹویٹ میں انہوں نے کہا کہ مسلم لیگ نواز شریف کی قیادت میں سیاسی ارتقاء کے مراحل سے گزرتے ہوئے ملک کی وہ واحد وفاقی جماعت بن کر ابھری ہے جسکو جب جب اس وطن نے پکارا، اس نے اس ملک کو مصیبتوں و بحرانوں کے منجھدار سے باحفاظت نکالا. یہ پارٹی کارکنان اور پارٹی قیادت کے درمیان نہ ٹوٹنے والا رشتہ ہی ہے کہ جس کی وجہ سے جتنی بار بھی اسے دبا کر معدوم کرنے کی کوشش کی گئی، مسلم لیگ ن پہلے سے بھی یادہ قوت و عوامی حمایت سے دوبارہ ابھری۔