قراردادوں کی متفقہ منظوری‘ وزیراعظم اور مریم نواز کی مریم اورنگزیب کو شاباش

اسلام آباد (رپورٹ:حنیف خالد) پاکستان مسلم لیگ (ن) کی جنرل کونسل کے اجلاس میں پاکستان مسلم لیگ (ن) کے تاحیات قائد میاں محمد نواز شریف کو بنائے جانے کی قرارداد منظور کرانے کے بعد وفاقی وزیر اطلاعات و نشریات محترمہ مریم اورنگزیب وزیراعظم شہباز شریف کو چار سالوں کیلئے پاکستان مسلم لیگ (ن) کا صدر بنائے جانے کی قراردادیں بیحد خوش اسلوبی سے منظور کرانے کے بعد جب اپنی نشست کی طرف بڑھیں تو وزیراعظم شہباز شریف اور پاکستان مسلم لیگ (ن) کی چیف آرگنائزر محترمہ مریم نواز نے ایک ساتھ اپنی نشستوں سے کھڑے ہو کر وفاقی وزیر اطلاعات کی کارکردگی‘ کارگزاری اور منجھی ہوئی شخصیات کے طور پر قراردادیں منظور کرانے پر نہ صرف زبانی اُن کو شاباش دی بلکہ چچا بھتیجی نے اُنکے دونوں شانوں کو تھپتھپایا جس پر احتراماً مریم اورنگزیب نے جھک کر اُن کا شکریہ ادا کیا۔ اس موقع پر پنڈال میں موجود مسلم لیگ (ن) کے سینکڑوں مردو خواتین کونسلروں نے تالیاں بجا کر اُن کا خیرمقدم کیا اور پاکستان مسلم لیگ زندہ باد‘ پاکستان زندہ باد‘ وزیراعظم شہباز شریف زندہ باد‘ مریم نواز زندہ باد اور قائد مسلم لیگ (ن) محمد نواز شریف زندہ باد کے نعرے لگائے۔