توشہ خانہ کیس، نیب نے چیئرمین پی ٹی آئی کو 21 جون کو دوبارہ طلب کرلیا

اسلام آباد (خصوصی نامہ نگار)قومی احتساب بیورو (نیب) نے توشہ خانہ کیس میں پاکستان تحریک انصاف کے چیئرمین عمران خان کو 21 جون کو دوبارہ طلب کرلیاہے،چیئرمین پی ٹی آئی کو بدھ 21 جون دن 11بجے نیب راولپنڈی میں طلب کیا گیا ہے۔ انہیں کیس سے متعلق دستاویزات ہمراہ لانے کی ہدایت کی ہے۔ نیب نوٹس میں کہا گیا ہے کہ چیئرمین پی ٹی آئی کو بطور وزیراعظم 108 تحائف ملے اور انہوں نے 58 تحائف حاصل کیے جو توشہ خانہ میں جمع نہیں کروائے گئے۔