سابق پرنسپل سیکریٹری اعظم خان لاپتہ ہوگئے

اسلام آباد (خصوصی نامہ نگار) ‏سابق پرنسپل سیکرٹری اور گریڈ 20 کے افسر اعظم خان پُراسرار طور پر لاپتہ ہوگئے۔ اہلخانہ کی جانب سے تھانہ کوہسار میں تلاش میں مدد کے لئے درخواست دیدی گئی جس پر پولیس نے زیر دفعہ 365، اغواء کا مقدمہ درج کر کے تفتیش شروع کر دی ہے۔ مغوی کے بھتیجے محمد سعید خان کی طرف سے دی گئی تحریری درخواست میں کہا گیا ہے کہ اعظم خان جمعرات شام کو گھر سے نکلنے کے بعد واپس نہیں آئے۔ درخواست کے مطابق اعظم خان کا موبائل نمبر بھی بند ہے۔