مارک زکر برگ دنیا کے 11 ویں امیر ترین شخص بن گئے، فوربز

کراچی (نیوز ڈیسک) فوربز کے حسابات کے مطابق مارک زکربرگ کی دولت فروری 2022 کے بعد پہلی بار جمعرات کو 100 ارب ڈالرز کی حد تک پہنچ گئی جس سے وہ دنیا کے 11ویں امیر ترین شخص بن گئے۔ میٹا پلیٹ فارمز کے حصص، جہاں زکربرگ سی ای او اور کوفاؤنڈر ہیں، اس دن کے لیے 3 فیصد بڑھ گئے جس سے ان کی دولت میں 3 ارب ڈالرز کا اضافہ ہوا۔ میٹا پلیٹ فورمز سوشل میڈیا پلیٹ فورمز فیس بک، انسٹاگرام اور واٹس ایپ کے ساتھ ساتھ ورچوئل رئیلٹی بازو اوکیولس کی بنیادی کمپنی ہے۔ نومبر 2022 میں گراوٹ کے بعد سے میٹا کے حصص کی قیمت میں مسلسل اضافہ ہو رہا ہے جس میں تقریباً 220 فیصد اضافہ ہوا۔ گزشتہ سال نومبر میں زکربرگ کی دولت 32.8 ارب ڈالرز تھی اور وہ دنیا کے 29ویں امیر ترین شخص تھے۔ وہ جنوری 2022 میں دنیا کے ٹاپ 10 امیر ترین افراد سے باہر ہو گئے تھے۔