کابینہ کی تشکیل نہ ہونے کے باعث آزاد کشمیر میں سیاسی سرگرمیاں ماند

کوٹلی ( شوکت ناز/نمائندہ جنگ) آزاد کشمیر قانون ساز اسمبلی کے سپیکر اور باغ کے ضمنی انتخابات کے بعد آزاد کشمیر کابینہ کی تشکیل نہ ہونے کے باعث آزاد کشمیر میں سیاسی سرگرمیاں ماند پڑگئیں وزراتوں کے امیدوار انتظار کرتے کرتے تھگ گئے اور گھروں کو چھوڑ کر مظفرآباد اور اسلام آباد میں خاموش ڈیرے لگالیے وزیراعظم دو رکنی کابینہ کے ساتھ کام کر رہے ہیں تحریک انصاف فارورڈبلاک پاکستان پیپلز پارٹی مسلم لیگ ن سمیت سیاسی جماعتوں کے قائدین کی سرگرمیاں صرف سوشل میڈیا تک محدود ہوگئیں۔ تفصیلات کے مطابق سردار تنویر الیاس کے وزیراعظم کے عہدے سے فارغ ہو نے کے بعد چوہدری انوار الحق وزیر اعظم بننے کے ساتھ ہی سیاسی سرگرمیوں میں تیزی آ گئی قانون ساز اسمبلی کے سپیکر کے انتخابات اور کابینہ کی تشکیل کی پلانگ شروع ہو گی کابینہ آج کل بننے میں تین ماہ گزر گئے اس دوارن باغ میں ضمنی انتخاب بھی ہوگیا لیکن وزراتوں کے امیدوار انتظار کرتے کرتے تھک گئے اب انہوں نے تھک ہار کرگھر باہر چھوڑ کر مستقل مظفرآباد اور اسلام آباد میں خاموش ڈیر لگا کر انتظار میں بیٹھے ہیں ۔کابینہ کی تشکیل نہ ہونے باعث سیاسی سرگرمیاں معطل ہیں عوام کے کام کاج بھی متعلقہ وزارتوں کے وزیر نہ ہونے سے ٹھپ پڑے ہیں۔موجودہ سیاسی صورت حال کو دیکھ کر لگتا ہے کہ وزیر اعظم چوہدری انوار الحق بجٹ پیش ہونے تک وازارتوں کے بارے میں کوئی فیصلہ کرنے سے ہچکچا رہے ہیں۔