یونان کشی حادثہ قومی سانحہ ہے‘ محمود الحسن‘ رفعت عزیز

اسلام آباد(جنگ نیوز) جماعت اسلامی آزادجموں وکشمیر کے سابق سیکرٹری جنرل محمود الحسن چودھری،سابق ممبر قانون ساز اسمبلی رفعت عزیز نے یونان کشی حادثے کو قومی سانحہ قرار دیتے ہوئے کہاکہ جب ملک میں سفارش کا کلچر عام ہو اور میرٹ کے مغائر لوگوں کو بھرتی کیا جائے تو پڑھے لکھے نوجوان متبادل اپنے خاندان کی کفالت کیلئے خطرے ناک ذرائع اختیار کرتے ہیں جس سے بڑے سانحے رونما ہوتے ہیں حکومت پاکستان اور حکومت آزادکشمیر ایسے سانحات رونما ہونے سے قبل اپنی آئینی ذمہ داریوں کو پورا کریں،ان خیالات کااظہار انہوں نے میڈیا سے گفتگو کرتے ہوئے کیا،انہوں نے مشترکہ طور پر کہاکہ مشکل کی اس گھڑی میں ہم غمزدہ خاندانوں کے ساتھ برابر کے شریک ہیں۔