لاہور(نمائندہ جنگ)ڈاکٹر شاہد محمود نے بطور وائس چیئرپرسن پنجاب اوورسیز پاکستانیز کمیشن کے عہدے کا چارچ سنبھال کر باقاعدہ کام کا آغاز کر دیا ہے۔ وزیراعلیٰ پنجاب سردار عثمان بزدار نے ڈاکٹر شاہد محمود کو پنجاب اوورسیز پاکستانیز کمیشن کا نیا وائس چیئرپرسن مقرر کیا تھا۔ڈاکٹر شاہد محمود کا تعلق کمالیہ سے ہے اور وہ گزشتہ 12 سال سے برطانیہ میں مقیم ہیں۔ڈاکٹر شاہد محمود پہلے پاکستانی ہیں جو برطانیہ سے کوالیفائیڈ ہیلتھ اکنامسٹ ہیں۔ اُنہوں نے نشتر میڈیکل کالج ملتان سے ایم بی بی ایس کی ڈگری کے علاوہ لندن اسکول آف اکنامکس سے ہیلتھ اکنامکس، پالیسی اور مینیجمنٹ میں ماسٹرز کی ڈگری ہولڈر ہونے کے ساتھ جنرل میڈیسن اور نیورالوجی میں ایم آر سی پی ہیں۔ ڈاکٹر شاہد محمود ایسوسی ایشن آف فزیشنز اینڈ سرجنز برطانیہ کیساتھ اوورسیز پاکستانی کمیشن کے فوکل پرسن بھی رہ چکے ہیں اور وہ ورلڈ کانگریس آف پاکستانیز کے اہم رہنما ہیں۔ دفتر آمد پر وائس چیئر پرسن ڈاکٹر شاہد محمود کا کمشنر او پی سی سید خادم عباس، ڈائریکٹر جنرل عشرت اللہ خان نیازی اور دیگر سنیئر افسران اور سٹاف نے ان کا خیر مقدم کیا۔ کمشنر او پی سی نے وائس چیئر پر سن سے سنیئر افسران اور سٹاف کا تعارف کروایابعدازاں وائس چیئر پر سن نے کمشنر او پی سی کے ہمراہ او پی سی دفتر کے مختلف شعبوں کا معائنہ کیا اور اوپی سی کے امورسے متعلق تفصیلی بریفنگ بھی لی۔ اس موقع پر وائس چیئرپرسن ڈاکٹر شاہد محمود نے کہا کہ وزیراعظم عمران خان اوورسیز پاکستانیز کے مسائل کے حل میں گہری دلچسپی رکھتے ہیں۔ اُنہوں نے اپنے عزم کا اعادہ کرتے ہوئے کہا کہ سمندر پار پاکستانیوں کے حقوق کا تحفظ، عدل انصاف کی فراہمی اور فلاح و بہود کیلئے ترجیجی بنیادوں پرمزید بہتر اقدامات کئے جائیں گے۔انہوں نے باور کرایا کہ ملکی معیشت کی مضبوطی میں اوور سیز پاکستانیوں کا کردار بہت اہم ہے اور پی ٹی آئی کی موجود حکومت کے اقدامات کی وجہ سے اوورسیز پاکستانیوں کا اعتماد بڑھا ہے۔
اسلام آباد چیئرمین سینیٹ سید یوسف رضا گیلانی سے امریکی سفیر ڈونلڈ بلوم نے پارلیمنٹ ہاؤس میں ملاقات کی۔ بدھ...
کولمبوایران کے صدر ابراہیم رئیسی پاکستان سے سری لنکا کے دورے پر پہنچ گئے۔ ایرانی صدر سری لنکا میں اماویہ ڈیم...
بیجنگ/ماسکوروس اور چین نے باہمی تجارت کیلئے امریکی ڈالر کا استعمال مکمل طور پر ختم کردیا۔ روسی وزیرخارجہ...
سرگودھا سرگودھا ریجن کے علاقہ سی ٹی ڈی اور دہشت گردوں کے درمیان فائرنگ کے تبادلہ میں کے پی کے سے پنجاب داخل...
اسلام آباد سپریم کورٹ نے فوجی عدالتوں میں سویلینز کے ٹرائل کالعدم قرار دینے کے خلاف اپیلوں پر سماعت کے...
پشاور خیبر پختونخوا میں مقیم غیر قانونی و قانونی افغان باشندوں کا معاملہ ، افغان شہریوں کی میپنگ کا عمل مکمل...
پشاور وزیراعلیٰ خیبر پختونخواعلی امین خان گنڈاپور نےکہا ہےکہ شعبہ سیاحت صوبائی حکومت کی ترجیحی فہرست میں...
تل ابیب اسرائیل نےغزہ میں اپنی فوجی کارروائیوں میں تیزی لاتے ہوئے کہا کہ امریکی سینیٹ نے اسرائیل کے لئے 13...