راولپنڈی، جعلی ڈگری کیس میں 85پولیس اہلکار بری

10 فروری ، 2022

راولپنڈی(صباح نیوز) راولپنڈی کی اینٹی کرپشن کی خصوصی عدالت نے جعلی ڈگری کیس کی سماعت کے دوران85پولیس اہلکاروں کو بری کر دیا۔پولیس اہلکارو ں کے خلاف محکمہ اینٹی کرپشن نے2012میں مقدمات درج کئے تھے۔پولیس اہلکاروں پر ملازمت میں بھرتی کے لیے جعلی تعلیمی سرٹیفکیٹ جمع کرانے کا الزام تھا۔ پولیس کانسٹیبلز نے عدالت میں کیس کے خلاف بریت کے لیے درخواستیں دائر کی تھیں۔کیس کا محفوظ شدہ فیصلہ سپیشل جج اینٹی کرپشن محمد مسرور زمان نے سنایا ہے۔