مالی سال کے6ماہ ، مالیاتی خسارہ 1371.81ارب

اسلام آباد(تنویر ہاشمی )رواں مالی سال کے پہلے چھ ماہ ( جولائی تا دسمبر) کے دوران پاکستان کا مالیاتی خسارہ 2.1فیصد کے ساتھ1371 ارب 81 کروڑ روپے رہا،قرضوں پر سود کی ادائیگی کی مد میں 1452ارب89کروڑ روپے خرچ ہوئے۔ حکومت نے مجموعی طور پر 1658ارب 15کروڑر وپےکے بیرونی قرضے لیے ان میں سے 632ارب 50روپے کی قرضوں کی واپس ادائیگی کی گئی جس کے بعد نیٹ بیرونی قرضہ 1025ارب64کروڑر وپے ہے، ایف بی آر نے 2919ارب80کروڑر وپے ٹیکس ریونیو جمع کیا جو کہ جی ڈی پی کا 5فیصد ہےجبکہ مجموعی ٹیکس ریونیو 3955ارب97کروڑر وپے جمع ہوئے ، نان ٹیکس ریونیو کی مد میں 764ارب93کروڑروپے جمع کیے گئے وفاق نےنان ٹیکس ریونیو کی مد میں 697ارب73کروڑرو پے جمع کیے، وزارت خزانہ کی جانب سے پہلی ششمائی کی جاری مالیاتی آپریشن رپورٹ کے مطابق حکومت نے مجموعی طورپر نیٹ1371ارب81کروڑر وپے کے قرضے لیےان میں نیٹ بیرونی1025ارب64کروڑروپے جبکہ مقامی قرضوں کی مالیت346ارب17کروڑروپے ہے۔ رپورٹ کے مطابق پروجیکٹ کی مد میں 234ارب 68کروڑروپے ، پروگرام قرضے475ارب روپے ، دیگر قرضے 921ارب روپے ، گرانٹس کی مد میں 26ارب29کروڑ روپے لیے ۔