طارق بنوری سے چیئرمین ایچ ای سی کا اختیار لینے کا نوٹیفیکیشن جاری

کراچی( سید محمد عسکری) ہائر ایجوکیشن کمیشن کے چیئرمین ڈاکٹر طارق بنوری سے اختیارات لے کر ایگزیکٹو ڈائریکٹر ایچ ای سی ڈاکٹر شائستہ سہیل کو چیئرپرسن کے اختیارات دینے کا نوٹیفکیشن جاری کردیا گیا ہے۔ ایچ ای سی کے اسٹنٹ ڈائریکٹر ایچ آر ایم امجد حسین شاہ کے جاری کردہ نوٹیفکیشن میں کہا گیا ہے کہ وفاقی سیکرٹری، وفاقی تعلیم اور پیشہ ورانہ تربیت کی وزارت کی طرف سے پیش کی گئی ایک قرارداد کے نتیجے میں - کمیشن کے تمام اراکین کو سرکولیشن کے ذریعے کمیشن کا ممبر ہونے اور اس کے نتیجے میں 21 میں سے 14 ممبران کی توثیق کمیشن، ڈاکٹر شائستہ سہیل، ایگزیکٹو ڈائریکٹر ایچ ای سی کو نئی چیئرپرسن ایچ ای سی کی تقرری تک کام جاری رکھنے کی اجازت دی گئی ہے۔ نوٹیفیکشن میں کہا گیا ہے کہ ڈاکٹر شائستہ سہیل چیئرپرسن ایچ ای سی کے پہلے سونپے گئے اختیارات کا استعمال کریں گی تاکہ شفافیت، مشاورتی عمل کے فروغ، ہموار اور موثر عملدرآمد اور عمل درآمد کو یقینی بنایا جا سکے۔ کمیشن کے تمام احکامات، فیصلے، ہدایات اور پالیسیاں کمیشن کی اصل روح کے مطابق ہوں گی جیسا کہ آرڈیننس میں درج ہے۔