ایوی ایشن سکیورٹی تنازع اسرائیل کی امارات کو تمام پروازیں معطل کرنے کی دھمکی

ابوظبی(جنگ نیوز )اسرائیل نے متحدہ عرب امارات (یو اے ای) کے لیے اپنی تمام پروازیں روکنے کے فیصلے میں ایک ماہ کی توسیع کرتے ہوئے خبردار کیا ہے کہ اگر عرب ملک دبئی میں ہوابازی کے حفاظتی انتظامات کو قبول کرنے میں ناکام رہتا ہے تو ’علاقائی بحران‘ پیدا ہو جائے گا۔برطانوی میڈیا کے مطابق ایک سینئراسرائیلی اہلکار نے بتایا کہ اسرائیلی وزیر ٹرانسپورٹ نے ایوی ایشن سیکیورٹی تنازع پرڈیڈ لائن میں توسیع کرتے ہوئے دبئی کو اسرائیل کی شرائط ماننے کے لیے ایک ماہ کا وقت دیا ہے۔موجودہ ایوی ایشن سیکیورٹی انتظامات منگل کو ختم ہونے والے تھے۔