کیو ڈی ایم کے زیر اہتمام بجلی کی لوڈشیڈنگ اور بلوں میں اضافہ کیخلاف احتجاج

کوئٹہ (اسٹاف رپورٹر)کوئٹہ ڈویلپمنٹ محاذ کے زیر اہتمام کوئٹہ میں بجلی کی غیر اعلانیہ لوڈ شیڈنگ،وولٹیج میں کمی بجلی کے بلوں بےتحاشا اضافے اور کیسکو انتظامیہ کی نااہلی کے خلاف پریس کلب کے سامنے احتجاجی مظاہرہ کیاگیا، تفصیلات کے مطابق گذشتہ روزکوئٹہ ڈویلپمنٹ محاذ کے زیر اہتمام م پریس کلب کے سامنے احتجاجی مظاہرہ کیاگیا اورمنان چوک پر احتجاجی جلسہ منعقد کیاگیا، جس سےکیو ڈی ایم کے چیئرمین عبدالمتین اخونزادہ جنرل سیکرٹری نذر بڑیچ،سردار حبیب خان بڑیچ،انجینئر عزیز بازئی، حاجی موسیٰ خان جمالزئی، ملک لقمان بازئی، عجب خان ناصر،عبدالخالق دومڑ اور فضل داد نے خطاب کرتےہوئے کہاکہ کوئٹہ کے شہریوں پر کیسکو نے اذیت سے دوچار کر رکھا ہے ، صوبائی دارالحکومت ہونے کے باوجود شدید گرمی کے موسم میں دس دس گھنٹے کی لوڈشیڈنگ جاری ہے، پورے شہر میں سوائے اشرافیہ کے کسی کو پوری بجلی میسر نہیں،وولٹیج میں مسلسل بے تحاشا کمی کی وجہ سے قیمتی الات جلتے ہیں،پانی کی عدم فراہمی کا ذمہ دار بھی کیسکو ہے ،کیونکہ صارفین اور کیسکو کے درمیان معاہدے کی مسلسل خلاف ورزی کی جارہی ہے کیسکو پر نااہل اور کرپٹ افسر شاہی مسلط ہے جس کی وجہ سے مسائل بڑھ رہے ہیںایک طرف بجلی کی لوڈشیڈنگ سے عوام کا جینا حرام ہے، دوسری جانب مہنگی ترین بجلی کے بلوں سے عوام تنگ ہیں اس ظلم کیخلاف آواز بلند کرتے رہیں گے۔