کراچی(این این آئی)نگراں وزیر صحت سندھ ڈاکٹر سعد خالد نیاز نے محکمہ صحت کے عملے کی جانب سے پبلک سیکٹر دفاتر اور اسپتالوں کی حدود میں پان، گٹکے، مین پوری اور سگریٹ کے استعمال پر پابندی عائد کردی ہے۔ڈاکٹرسعد خالد نے کہا کہ دوران ڈیوٹی پان گٹکے کا استعمال برداشت نہیں کیا جائے گا۔انہوں نے سرکاری دفاتر اور اسپتالوں میں مضرصحت اشیا کے استعمال پر برہمی کا اظہار کیا ہے۔ڈی جی ہیلتھ نے متعلقہ اداروں کو تحریری احکامات جاری کردیے اور اس پر عملدرآمد نہ کرنے والوں کے خلاف کارروائی کی ہدایت بھی کردی ہے۔