عالمی جنگی مشق برائٹ سٹار جاری، پہلی بار پاک بھارت کی ایک ساتھ شرکت

قاہرہ ( آن لائن ) بین الاقوامی دفاعی جنگی مشق برائٹ اسٹار مصر میں جاری ہے، برائٹ اسٹار کی اختتامی تقریب 17 ستمبر کو منعقد ہوگی، پاک فضائیہ کے جے ایف17تھنڈر طیارے برائٹ اسٹار مشق میں شریک ہیں۔تفصیلات کے مطابق محمد نجیب ایئربیس پر مشقوں میں34ممالک کے 8 ہزار کے لگ بھگ اہلکار شریک ہوئے ہیں، ایکسرسائز برائٹ اسٹار میں 15 ممالک بطور مبصر شریک ہیں، یہ مشرق وسطی میں اپنی نوعیت کی سب سے بڑی اور پرانی جنگی مشقیں ہیں، اور تاریخ میں پہلی بار پاکستان اور بھارت کی فضائی افواج ایک ساتھ کسی جنگی مشق میں شریک ہیں، ذرائع کے مطابق النجم الساطع 2023 یا برائٹ اسٹار میں مختلف ممالک کے زمینی دستے، آرمرڈ وہیکلز، آرٹلری یونٹس شریک ہیں، بحری اور فضائی اثاثوں کے ساتھ میزبان مصر اور امریکا کی اسپیشل فورسز کے دستے بھی مشقوں کا حصہ ہیں، ان مشقوں کی قیادت یو ایس سینٹرل کمانڈ اور مصرکی فوج کر رہے ہیں۔