پاکستان میں 2013 سے پہلے توانائی کا بہت بحران تھا،گورنر پنجاب

لاہور(صباح نیوز)گورنر پنجاب بلیغ الرحمان نے کہا ہے کہ پاکستان میں 2013 سے پہلے توانائی کا بہت زیادہ بحران تھا۔لاہور ایکسپو سینٹر میں میڈیا سے گفتگو کرتے ہوئے بلیغ الرحمان نے کہا کہ توانائی ہر ملک کے لئے اہم ضرورت ہے، انڈسٹری کیلئے توانائی کی سخت ضرورت ہوتی ہے، توانائی کے لئے بیرون و اندرون ملک کی کمپنیاں آئی ہیں۔انہوں نے کہا کہ سوچ کے نئے زاویے کھولنے کے لئے توانائی نمائش ملک و کمپنیوں کے لئے مفید ہوتی ہیں، پاکستان میں 2013 سے پہلے توانائی کا بہت زیادہ بحران تھا مگر نواز شریف حکومت انرجی کے نئے پلانٹس لے کر آئی۔گورنر پنجاب نے کہا کہ کول انرجی سستی توانائی ہے جس کے میدان میں انڈونیشیا اور ملائشیا بھی آرہے ہیں۔بلیغ الرحمان نے کہا کہ نواز شریف دور کے توانائی کے منصوبوں میں کوئی کرپشن نہیں ملتی تھی، توانائی پر 2013 سے 2018 کے دوران نیٹ میٹرنگ لائی گئی۔