انتخابات 6نومبر کو کرانے کی تجویز ، الیکشن کمیشن نے صدارتی خط نظر انداز کر دیا

اسلام آباد ( طاہر خلیل ) الیکشن کمیشن نے انتخابات 6 نومبر کو کرانے کی تجویز پر صدارتی خط نظر انداز کر دیا ۔ ذرائع کے مطابق الیکشن کمیشن صدر کے خط پر غور نہیں کرے گا۔ ایوان صدر کی جانب سے ایک غیر ضروری مشق تھی ، الیکشن کمیشن اپنے موقف پر قائم ہے کہ انتخابات کی تاریخ سے صدر کا کوئی لینا دینا نہیں ، نئے قانون کے نفاذ کے بعد الیکشن کی تاریخ مقرر کر نا یا انتخابی شیڈول میں ردو بدل الیکشن کمیشن کا اختیار ہے ، ذرائع نے کہا کہ صدر کے خط کی کوئی اہمیت نہیں یہ ایک فضول ایکسر سائز تھی ،جس پر غور بھی نہیں کیا جا سکتا ،الیکشن کمیشن کے ترجمان نے پہلے ہی واضح کر دیا تھا کہ صدارتی خط پر اجلاس طلب کرنے والی خبریں درست نہیں تھیں اور نہ ہی کسی لیگل ٹیم کو ٹاسک دیا گیا۔