35فیصد خواتین ڈاکٹر ڈگری لینے کے بعد ملازمت نہیں کرتیں،سروے

کراچی(این این آئی)وطن عزیز میں ہزاروں خواتین ایسی ہیں، جنہوں نے باقاعدہ میڈیکل کی تعلیم تو حاصل کی لیکن کچھ گھریلو یا دیگر وجوہات کی بنا پر کوئی ملازمت نہیں کی۔اس حوالے سے ہونے والے گیلپ سروے میں بتایا گیا ہے کہ پاکستان میں 35فیصد خواتین ڈاکٹر کی ڈگری تو لے لیتی ہیں لیکن ملازمت نہیں کرتیں، رپورٹ کے مطابق 1لاکھ 35 ہزار میڈیکل گریجویٹس خواتین میں سے 68ہزار خواتین کسی نہ کسی اسپتال یا طبی شعبے وابستہ ہیں جبکہ 35ہزار کسی ملازمت سے وابستہ نہیں ہیں۔اس حوالے سے مختلف عوامی حلقے ایسی صورتحال کو معاشرے کے لیے تشویشناک اور طبی سہولتوں کی عدم دستیابی کی وجہ قرار دیتے ہیں۔