انٹر بینک،ڈالر ایک روپے مزید سستا

کراچی (نمائندہ جنگ) ڈالر کی قدر میں کمی کا تسلسل برقرار،ایک روپے مزید سستا ہو گیا،یورو کی قیمت برقرار،پاؤنڈ کی قیمت میں2روپے تک کا اضافہ،فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں ڈالر کی قیمت خرید 80 پیسے کی کمی سے 298.50 روپے سےکم ہو کر 297.70 روپے اور قیمت فروخت ایک روپے کی کمی سے 299.00 روپے سے کم ہو کر 298.00 روپے ہو گئی ہے ،اوپن مارکیٹ میں بھی ایک روپے کی کمی سے ڈالر کی قیمت خرید 296.00 روپے سے کم ہو کر 295.00 روپے اور قیمت فروخت 299.00 روپے سے کم ہو کر 298.00 روپے ہو گئی ، فاریکس رپورٹ کے مطابق یورو کی قیمت خرید317.00روپے اور قیمت فروخت 321.00 روپے پر برقرار رہی جبکہ برطانوی پاؤنڈ کی قیمت خرید 2 روپے کے اضافے سے 368.00 روپے سے بڑھ کر 370.00 روپے اور قیمت فروخت ایک روپے کے اضافے سے 373.00 روپے سے بڑھ کر 374.00 روپے ہو گئی ۔