نوازشریف کی واپسی بحرانوں میں گھرے پاکستان کیلئے طلوع سحر ہے، مریم نواز

لاہور(جنگ نیوز)مسلم لیگ ن کی رہنما مریم نواز کا کہنا ہے کہنوازشریف کی وطن واپسی بحرانوں میں گھرے پاکستان کیلئے طلوع سحر ہے۔جمعرات کو ن لیگ کے سابق ارکان اسمبلی اور پارٹی ٹکٹ ہولڈرز کا مشاورتی اجلاس ہوا جس میں خطاب کرتے ہوئے مریم نواز کا کہنا تھا کہ نوازشریف کی واپسی بحرانوں میں گھرے پاکستان کیلئے طلوع سحر ہے، پاکستان کا بیٹا ایک بار پھر قوم کو مشکلات سے نکالنے کیلئے آرہا ہے۔انہوں نے کہا کہ نوازشریف قوم کو مہنگائی،معاشی بدحالی سے نجات دلانے آ رہا ہے۔