حوثی وفد سعودی حکام کے ساتھ یمن میں جنگ بندی پر مذاکرات کیلئے ریاض جائیگا

ریاض (شاہدنعیم) یمن کی حوثی ملیشیا کے نمائندے اور عمان کے ایلچی گزشتہ شب سعودی دارالحکومت ریاض جائے گا تاکہ یمن میں جاری لڑائی کے خاتمے کے لیے سعودی حکام کے ساتھ مستقل جنگ بندی پر بات چیت کی جا سکے۔ذرائع کا کہنا ہے کہ حوثی حکام خلیجی سلطنت عمان کے ثالثوں کے ہمراہ ریاض جائیں گے۔عمانی وفد گزشتہ روزصنعاء پہنچا ۔سعودی حکومت اور حوثیوں کے ترجمان نے فوری طور پر تبصرہ کرنے کی درخواستوں کا جواب نہیں دیا، یمن میں 2014 میں جنگ شروع ہونے کے بعد حوثی حکام کا سعودی عرب کا یہ پہلا سرکاری دورہ ہوگا۔اُس سال ایران کے حمایت یافتہ گروپ نے صنعاء میں صدر عبد ربہ منصور ہادی کی بین الاقوامی سطح پر تسلیم شدہ حکومت کا تختہ الٹ دیا تھا۔ ذرائع کا کہنا ہے کہ عمان کا ملکیتی طیارہ صنعاء سے ریاض کے لیے اڑان بھرے گا۔