شوہر نے بیوی اور سالی کو قتل کردیا

فیصل آباد(اے پی پی)فیصل آباد میں شوہر گھریلو ناچاقی پر بیوی اور سالی کو قتل کر کے فرار ہوگیاہے ۔تفصیلات کے مطابق پولیس تھانہ صدر تاندلیانوالہ فیصل آبادکے علاقہ 614گ ب میں شہباز ولد ملا نامی شخص نے اپنی بیوی نسرین بی بی اور سالی پروین بی بی کو فائرنگ کرکے قتل کردیا۔ اطلاع ملنے پر تھانہ صدر تاندلیانوالہ پولیس اور دیگر اعلیٰ حکام جائے وقوعہ پر پہنچ گئے اورپولیس نے نعشیں تحویل میں لیکر پوسٹ مارٹم کیلئے ہسپتال منتقل کردیں جبکہ جائے وقوعہ سے شواہد اکٹھے کرکے قانونی کارروائی شروع کردی گئی ہے۔