زمیندار سبزیوں کے بیج حاصل کرکے بروقت کاشت یقینی بنائیں، ظہیر اقبال

مظفرآباد (جنگ نیوز ) نائب ناظم زراعت توسیع ضلع مظفرآباد راجہ ظہیر اقبال نے کہا ہے کہ زمیندار وں کی سہولت اور بیج سبزیات کی بروقت فراہمی کے پیشِ نظر ماہِ ستمبر کے پہلے ہفتے میں 400کلو گرام ترقی دادہ اقسام کا تصدیق شدہ بیج سبزیات (مٹر، پالک، کڑم، مولی، شلغم، میتھی، دھنیا) ضلع بھر کے تمام توسیع مراکز پر پہنچا دیا گیا ہے۔ تمام زمیندار خواتین و حضرات کو مطلع کیا جاتا ہے کہ وہ اپنے قریب ترین توسیع مرکز پرپہنچ کر اپنی ضرورت کے مطابق بیج سبزیات حاصل کرتے ہوئے بروقت کاشت کو یقینی بنائیں۔اس سے زمیندار بھائی ناصرف گھریلو ضروریات پوری کر سکتے ہیں بلکہ کمرشل بنیادوں پر سبزیات کاشت کرتے ہوئے اپنی آمدن میں خاطر خواہ اضافہ کر سکتے ہیں۔ محکمہ زراعت، سیکرٹری زراعت سردار جاوید ایوب خان کی ہدایت پر عمل کرتے ہوئے ضلع بھر میں زرعی سرگرمیوں کے فروغ کے لیے کوشاں ہے۔