امید ہےچیف جسٹس شہریوں کے بنیادی حقوق کا تحفظ یقینی بنائینگے، PTI

لاہور(خبرنگار) پاکستان تحریک انصاف کی جانب سے قاضی فائز عیسی کو ملک کے 29 ویں چیف جسٹس کی حیثیت سے حلف اٹھانے پر مبارکباددی گئی ہے۔ ترجمان کی جانب سے جاری بیان میں کہا گیا ہے کہ امید کرتے ہیں کہ آئینی حقوق کا تحفظ، امید ہے نئے چیف جسٹس کی ترجیح ہوگی،پی ٹی آئی جمہوریت وآئین کی بالادستی کی خاطر نو منتخب چیف جسٹس کو مکمل تعاون کایقین دلاتی ہے، نو منتخب چیف جسٹس آئین و قانون کے اصولوں کے تحت انصاف کے تمام تقاضوں کو پورا کریں گے، امید کرتے ہیں کہ سیاسی قیدیوں بالخصوص جیلوں میں قید خواتین کے آئینی حقوق کا تحفظ چیف جسٹس کی اولین ترجیح ہو گی، تحریک انصاف شہریوں کے بنیادی حقوق کے تحفظ اور جمہوریت اور آئین کی بالادستی کی خاطر نو منتخب چیف جسٹس کو اپنے مکمل تعاون کایقین دلاتی ہے۔