نوازشریف کے استقبال کی تیاریاں، رانا ثناءنے ن لیگ کا تنظیمی اجلاس آج طلب کر لیا

لاہور(خصوصی نمائندہ،جنگ نیوز) نواز شریف کے استقبال کی تیاریوں کے حوالے سے مسلم لیگ (ن) پنجاب کے صدر رانا ثناء اللہ نے پنجاب کا تنظیمی اجلاس آج طلب کرلیا۔ سابق وزیر داخلہ رانا ثنا نے کہا کہ نوازشریف کا استقبال اصل میں پاکستان کے حالات کو تبدیل کرنے کی امید کا مظہر ہوگ،اجلاس میں ڈسٹرکٹ اور ڈویژن کے عہدے دار، سابق ایم این ایز، ایم پی ایز اور پارٹی ٹکٹ ہولڈرز شرکت کریں گے، اجلاس آج ایک بجے مقامی ہوٹل میں ہوگا، اجلاس میں مریم نواز اور حمزہ شہباز خصوصی طور پر شرکت کریں گے، اجلاس کا ایجنڈا پارٹی قائد میاں نواز شریف کی 21 اکتوبر کو وطن واپسی کے استقبال کی تیاریوں کے حوالے سے ہوگا۔رانا ثناء اللہ نے کہا مسلم لیگ ن کے شیر اپنے قائد میاں نوازشریف کا بے صبری سے انتظار کر رہے ہیں، نوازشریف کے شیر اپنے قائد کا تاریخی استقبال کریں گے، نوازشریف کا استقبال اصل میں پاکستان کے حالات کو تبدیل کرنے کی امید کا مظہر ہوگا۔