موٹروے اور قومی شاہراہوں پرکم سے کم جرمانہ 150 سے بڑھ کر 500 روپے ہوگیا، نوٹیفکیشن جاری

20 ستمبر ، 2023

لاہور(جنگ نیوز)موٹروے اور قومی شاہراہوں پر جرمانوں کی شرح میں اضافہ کردیاگیا۔نوٹیفکیشن کے مطابق موٹروے پرکم سے کم جرمانہ 150 سے بڑھاکر 500 روپے کردیا گیا ہے، تیزرفتاری پرجرمانہ 750 سے بڑھا کر 25 سو روپے مقرر کیا گیا ہے۔نوٹیفکیشن میں کہا گیا ہے کہ ممنوعہ علاقے میں اوورٹیک کرنے کا جرمانہ 300 سے بڑھاکر 15سو روپے ، پولیس گاڑی کی لائٹس استعمال کرنے کا جرمانہ 5 ہزار روپے، ہیوی لائٹس کے استعمال پر جرمانہ 2000 روپے ہوگا اور ان کا اطلاق یکم اکتوبر سے ہوگا۔