نوازشریف کیخلاف سازش کرنے والا ہر کردار انجام کو پہنچا،مریم نواز

لاہور(صباح نیوز،جنرل رپورٹر)مسلم لیگ ن کی چیف آرگنائزر مریم نواز نے کہا ہے کہ نوازشریف کیخلاف سازش کرنیوالا ہر کردار انجام کو پہنچا، سابق وزیراعظم کی واپسی ان کی ناکامیوں سے زیادہ مضبوط ہے۔ مریم نواز نے اپنے بیان میں کہا کہ نوازشریف کیخلاف سازش کرنے والا ہر کردار نہ صرف انجام کو پہنچا بلکہ ذلیل و خوار ہوا۔مریم نواز کا کہنا تھا کہ یہ بھی کہا گیا کہ نواز شریف کی پارٹی ختم ہوگئی، اور وہ نااہل ہوگیا، مشرف دور میں یہ سلسلہ شروع ہوا لیکن نواز شریف سرخرو ہوئے۔ جنرل رپورٹر کے مطابق نواز شریف کے استقبال کی تیاریوں کا جائزہ لینے کے لئے طلب سابق بلدیاتی نمائندوں کا کنونشن بارش کی وجہ سے ملتوی کر دیا گیا ۔