TTP کیلئے بھتہ لینے والا گروہ گرفتار، ملزمان کا تعلق ’را‘ سے ہوشربا انکشافات

اسلام آباد(این این آئی)ٹی ٹی پی کیلئے بھتہ لینے والے سرگرم گروہ کو گرفتار کرلیا گیا ہے جس نے دوران تفتیش ہوشربا انکشافات کیے ہیں۔گرفتار ملزم نے انکشاف کیا کہ ٹی ٹی پی کمانڈر عبدالرازق جو اس وقت افغانستان میں ہے، ہمیں واٹس ایپ کے ذریعے ہدایات دیتا تھا۔سیکورٹی اداروں نے ٹی ٹی پی کیخلاف بڑی کامیابی حاصل کی ہے، خفیہ اطلاعات کی بنیاد پر کالعدم تنظیم کیلئے بھتہ لینے والے سرگرم گروہ کو گرفتار کرلیا گیا ہے، جنہوں نے دوران تفتیش بھتہ لینے کے طریقے کے حوالے سے بڑے انکشافات کیے ۔گرفتار کیے گئے تنظیم کے ارکان کافی عرصے سے مختلف طریقوں سے ٹی ٹی پی کو بھتہ خوری میں معاونت فراہم کررہے تھے۔ ملزمان نے ٹی ٹی پی کے کمانڈرز کی افغانستان میں موجودگی کی بھی تصدیق کی ہے۔ گرفتار ملزم نے دوران تفتیش انکشاف کیا کہ ٹی ٹی پی کمانڈر عبدالرازق جو اس وقت افغانستان میں ہے، ہمیں واٹس ایپ کے ذریعے ہدایات دیتا تھا۔ملزم نے انکشاف کرتے ہوئے بتایا کہ ٹی ٹی پی کمانڈر عبدالرزق لوگوں کے گھروں اور دکانوں کی ویڈیوز منگوا کر انہیں بھتے کیلئے افغانستان سے کالز کرتا تھا اور بھتہ نہ ملنے یا تاخیر کی صورت میں جان سے مارنے یا اغوا کی دھمکیاں دیتا تھا۔