نیب ترامیم کالعدم ہونے سے چیئرمین پی ٹی آئی کو ہی نقصان ہوگا، عرفان قادر

اسلام آباد (این این آئی) سابق اٹارنی جنرل عرفان قادر نے کہا ہے کہ نیب ترامیم کالعدم ہونے سے چیئرمین پی ٹی آئی کو ہی نقصان ہوگا، یہ وہی ترامیم تھیں جو پی ٹی آئی دور میں آرڈیننس کے ذریعے آئیں تھیں، ہر دور میں سیاسی مخالفین پر مقدمات بنتے ہیں، القادر ٹرسٹ کیس نیب کے پاس واپس آجائیگا ۔ایک انٹرویومیں عرفان قادر نے کہا کہ القادر ٹرسٹ کیس نیب کے پاس واپس آجائیگا، نیب کے دیگر ملزمان کو کوئی فرق نہیں پڑے گا۔ماہر قانون نے کہا کہ بہت سے معاملات نیب کے دائرہ اختیار میں نہیں آتے، نیب کے لیے ٹیکس کے معاملات کو سمجھنا آسان نہیں۔انہوںنے کہاکہ آئینی ترامیم کرنا صرف پارلیمنٹ کا اختیار ہے، ۔عرفان قادر نے کہا کہ ہر دور میں سیاسی مخالفین پر مقدمات بنتے ہیں، چیئرمین پی ٹی آئی کو تحریک عدم اعتماد کو قبول کرنا چاہیے تھا، غلط عدالتی فیصلوں سے سیاسی عدم استحکام آیا۔