ہمارا بیانیہ عام آدمی سے ہٹ کر نہیں ہوسکتا،رانا ثنا اللہ

لاہور (این این آئی) پاکستان مسلم لیگ (ن) کے مرکزی رہنما اور سابق وزیرداخلہ رانا ثناء اللہ نے کہا ہے کہ ہمارا بیانیہ عام آدمی سے ہٹ کر نہیں ہوسکتا،جب تک عوام کا نہیں سوچیں گے ہماری بات نہیں سنی جائے گی۔ ایک انٹرویو میں رانا ثنا ء اللہ نے کہاکہ مسلم لیگ (ن) کے دور اقتدار میں ہمیشہ ملک میں ترقی ہوئی ، نوازشریف نے دہشت گردی، لوڈشیڈنگ کا خاتمہ کیا اور مسلم لیگ (ن)کے دور میں مہنگائی کم ہوئی ، اگر مسلم لیگ (ن) کی حکومت آئی تو عوام کو روز گار کے مواقع میسر ہونگے ۔واپسی پر ممکنہ گرفتاری سے بچانے کیلئے قانونی ٹیم نے حکمت عملی تیار کر لی ہے اور مختلف آپشن پر مبنی رپورٹ نواز شریف کو پیش کر دی ہے۔ذرائع نے بتایا کہ نواز شریف کی وطن واپسی سے ایک ہفتہ قبل قانونی ٹیم کی جانب سے سابق وزیراعظم کی حفاظتی ضمانت کی درخواست دائر کی جائیگی۔ذرائع کے مطابق درخواست ضمانت ایک نہیں بلکہ متفرق ایک دن، ایک یا دو ہفتے ضمانتوں کیلئے دائر کی جائیں گی۔ذرائع کے مطابق عدالت سے جتنے دن کی بھی ضمانت ملے گی اس کے اگلے دن نواز شریف سرینڈر کریں گے۔