کوئی بھی مسلمان ناموس رسالت ﷺ پر سمجھوتہ نہیں کر سکتا ،گورنر پنجاب

لاہور(نمائندہ خصوصی) گورنرپنجاب بلیغ الرحمان نے کہا ہے کہ اللہ سبحانہ و تعالیٰ نے حضرت محمد صلہ اللہ علیہ وسلم کو دنیا میں تمام عالم اور انسانیت کے لیے رحمت اللعالمین بنا کر بھیجا اور ان کی ذات اقدس کے بعد نبوت کا سلسلہ ختم کر دیا، ایوان اقبال لاہور میں سالانہ ختم نبوت صلہ اللہ علیہ وسلم کانفرنس میں بطور مہمان خصوصی خطاب کرتے ہوئے گورنر نے کہا کہ توحید اور عقیدہ ختم نبوت صلہ اللہ علیہ وسلم ہمارے ایمان کا اہم حصہ ہیں، اس عقیدے میں ذرا برابر شک کسی کوبھی دائرہ اسلام سے خارج کرنے کے لیے کافی ہے ، کوئی بھی مسلمان نبی آخر زماں حضرت محمد صلی اللہ علیہ وسلم کی عزت و ناموس پر سمجھوتہ نہیں کر سکتا ،ہمیں تحقیق کی عادت اپنانی چاہیے اور غیر مصدقہ باتوں پر یقین نہیں کرناچاہیے۔عوامی جمہوریہ چین کے قومی دن کی74 ویں سالگرہ کی تقریب میں گورنرپنجاب بلیغ الرحمان اور وزیر اعلیٰ محسن نقوی نے مہمان خصوصی کی حیثیت سے شرکت کی ، قونصل جنرل چاؤ کی کے ساتھ ملکر کیک کاٹا ا ، قونصل جنرل نے شکریہ ادا کیا او رکہاکہ وزیراعلیٰ پنجاب کاحالیہ دورہ چین پاک چین تعلقات کے لئے ایک سنگ میل کی حیثیت رکھتا ہے۔ گورنر پنجاب سے جاپان کے سفیر واڈا مٹسوہیرو (Wada Mitsuhiro) نے بھی ملاقات کی۔ گورنر نے جاپانی سفیر کوٹیکسٹائل، سپورٹس اور چمڑے کی مصنوعات کی جاپان میں ایکسپورٹ کے لیے پاکستان کو جی ایس پی سکیم میں شامل کرنے کی طرف متوجہ کرتے ہوئے کہا کہ پاکستانی کی ٹیکسٹائل انڈسٹری میں سپنگ ملز جاپانی ٹیکنالوجی استعمال کر رہی ہیں۔ انہوں نے کہا کہ جاپان کی طرف سے ترجیحی تجارتی سہولتیں ملنے سے دونوں ممالک کے درمیان تجارتی تعلقات میں اضافہ ہو گا ،طلبہ کے وفود کے تبادلے ہونے چاہئیں، جاپان اپنی ٹریول ایڈوائزری پر نظرثانی کرے، پاکستان سیاحتی اعتبار سے ایک پرامن ملک ہے۔