وزیراعظم کو نورالحق قادری کا خط،عورت مارچ پر پابندی کی تجویز

اسلام آ باد ( رانا غلا م قادر ) وزارت مذہبی امور نے 8 مارچ کو بین الاقوامی یوم حجاب منانے کی تجویز دے دی ۔ وفاقی وزیر نورالحق قادری نےوزیراعظم عمران خان کو خط لکھا ہے جس میں 8 مارچ کو عالمی یوم حجاب منانے کی تجویز دی گئی ہے۔ یاد رہے کہ 8مارچ کو عالمی سطح پر یوم خواتین منایا جا تا ہے۔ خط میں کہا گیا ہے کہ دنیا کو حجاب ڈے پر مقبوضہ کشمیر اور بھارت میں مسلم خواتین سے لباس کی وجہ سے کئے جانیوالے امتیازی سلوک کی طرف متوجہ کیا جائے۔وفاقی وزیر پیر نورالحق قادری نےوزیراعظم عمران خان کو عالمی یوم حجاب منانے سے متعلق لکھے گئے خط کی کاپی صدر مملکت کو بھی ارسال کی ہے۔