ڈالر کی قدر میں کمی کا رجحان برقرار مزید ایک روپے سستا

کراچی ( اسٹاف رپورٹر) ڈالر کی قدر میں کمی کا رحجان برقرار،روپے کے مقابلے پر انٹر بینک میں ڈالرکی قیمت میں مزید ایک روپے اور اوپن مارکیٹ میں 50 پیسے کم ہو گئی، یورو کی قیمت بھی3 روپے تک گھٹ گئی،پاؤنڈ 6روپے سستا ہو گیا، فاریکس ایسوسی ایشن کی جانب سے جاری کردہ رپورٹ کے مطابق پیر کو روپے کے مقابلے پر انٹر بینک میں ایک روپے کی کمی سے ڈالر کی قیمت خرید 291.70 روپے سے کم ہو کر 290.70روپے اور قیمت فروخت 292.00روپے سے کم ہو کر 291.00 روپے ہو گئی ہے،اوپن مارکیٹ میں ڈالر کی قیمت خرید 50پیسے کی کمی سے 290.50روپے سے کم ہو کر 290.00 روپے اور قیمت فروخت 293.50 روپے سے کم ہو کر 293.00 روپے ہو گئی ہے،فاریکس رپورٹ کے مطابق یورو کی قیمت خرید 2.50 روپے کی کمی سے 312.50 روپے سے کم ہو کر 310.00 روپے اور قیمت فروخت 3 روپے کی کمی سے 316.00 روپے سے کم ہو کر 313.00 روپے ہو گئی جبکہ 6 روپے کی کمی سے برطانوی پاؤنڈ کی قیمت خرید 366.00 روپے سے کم ہو کر 360.00 روپے اور قیمت فروخت 370.00روپے سے کم ہو کر 364.00 روپے پر آگئی ہے،دریں اثنا پیر کو اسٹیٹ بینک کا ڈالر کلوزنگ ریٹ 90 پیسے کی کمی سے 290.86 روپے پر آگیا۔