یورپین یونین کا پاکستانی سیلاب زدگان کیلئے 10لاکھ یورو کی نئی امداد کا اعلان

برسلز( حافظ اُنیب راشد ) یورپین یونین نے پاکستان کے سیلاب زدگان کیلئے10لاکھ یورو کی نئی امداد کا اعلان کرتے ہوئے کہا ہے کہ تاریخی سیلاب کے ایک سال بعد یورپین یونین انتہائی کمزور کمیونٹیز کی مدد کے لیے پرعزم ہے۔ یورپین یونین کے کمشنر برائے کرائسز مینجمنٹ جینز لینارسک کا کہنا ہے کہ ہم پاکستان میں مون سون کے سیلاب سے نمٹنے کے لیے ایک ملین یورو انسانی امداد جاری کر رہے ہیں جس نے ملک کے کچھ حصوں میں ایک بار پھر ہزاروں افراد کو بے گھر کر دیا ہے۔ پاکستان میں تاریخی سیلاب کے ایک سال بعد یورپین یونین انتہائی کمزور کمیونٹیز کی مدد کے لیے پرعزم ہے ۔ یاد رہے کہ یورپین یونین نے گذشتہ سال بھی پاکستان کی تاریخ کے بدترین سیلاب کے متاثرین کی امداد کیلئے انسانی بنیادوں پر 16.5 ملین یورو فراہم کیے تھے۔