پولیس نے نوازشریف کی پاکستان واپسی پر سیکورٹی پلان تیار کرلیا

لاہور (صباح نیوز) لاہور پولیس نے نوازشریف کی وطن واپسی پر سیکورٹی پلان تیار کرلیا۔ ائیرپورٹ سے مینار پاکستان تک سخت سیکورٹی انتظامات ہوں گے۔پولیس کا کہنا ہے کہ ممکنہ سیاسی کشیدگی کے پیش نظر،اینٹی رائٹ فورس الرٹ رکھی جائیگی۔ پولیس کے اجلاس میں امن وامان کی بحالی کیلئے تمام وسائل بروئے کار لانے کا فیصلہ کیا گیا ہے۔اس کے علاوہ پولیس اور ٹریفک پولیس حکام نے ائیرپورٹ سے مینارپاکستان تک روٹ کا دورہ بھی کیا۔