امریکا شدید مالی مشکلات کا شکار ،شٹ ڈاؤن کا خدشہ

واشنگٹن(صباح نیوز)امریکاکوشدید مالی مشکلات کا سامنا ہے۔صدربائیڈن نے کہا ہے امریکا میں حکومت کے شٹ ڈاؤن ہونے سے سیاہ فام کمیونٹی،ماں اور بچوں کو سنگین مسائل کا سامنا کرنا پڑسکتا ہے۔ صدرجوبائیڈن نے سیاہ فام تعلیمی اداروں کے مشیروں سے خطاب کے دوران کہاکہ اگر کانگریس30ستمبر کے بعد وفاقی حکومت کیلئے فنڈز فراہم نہیں کرتی تو7ملین کم آمدنی والی خواتین اور بچوں کیلئے خوراک کی کمی ہوسکتی ہے۔ کانگریس کی جانب سے فنانس بل کی منظوری نہ ہونے کی صورت میں امریکی حکومت کا بڑا حصہ یکم اکتوبر کو عارضی طور پر بند ہو سکتا ہے۔یوکرین کی امداد بھی معطل ہوسکتی ہے۔