روپے کی قدر میں بہتری کا سلسلہ برقرارانٹر بینک میں ڈالر مزید ایک روپے سستا

کراچی ( اسٹاف رپورٹر) روپے کی قدر میں بہتری کا سلسلہ برقرار،انٹر بینک میں ڈالر ایک روپے اور اوپن مارکیٹ میں 2 روپے سستا ہو گیا، یورو کی قیمت میں ایک روپے کی کمی، پاؤنڈ کی قیمت بھی 4 روپے مزید گھٹ گئی،فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں ایک روپے کی کمی سے ڈالر کی قیمت خرید 288.60 روپے سے کم ہو کر 287.60 روپے اور قیمت فروخت 288.80 روپے سے کم ہو کر 287.80 روپے ہو گئی۔اوپن مارکیٹ میں بھی 2 روپے کی کمی سے ڈالر کی قیمت خرید 287.00 روپے سے کم ہو کر 285.00 روپے اور قیمت فروخت 290.00 روپے سے کم ہو کر 288.00 روپے پر آگئی۔