مسجد وزیر خان کا جنوبی حصہ بحال، پاکستان میں 32 تاریخی مقامات بحال کرچکے، کرسٹن ہاکنز

لاہور(اپنے نامہ نگار سے) آغا خان اور والڈ سٹی اتھارٹی کی جانب سے لاہور کی مسجد وزیر خان کا جنوبی حصہ بحال کر دیا گیا۔امریکی قونصل جنرل لاہور کرسٹن کے ہاکنز نے وزیر خان مسجد کے بحال ہونے والے حصوں کا افتتاح کیا۔مسجد وزیر خان کے بحال ہونے والے حصے پر 2 لاکھ ڈالرز خرچ ہوئے۔امریکی قونصل جنرل کرسٹن کے ہاکنز نے مسجد وزیر خان میں میڈیا سے گفتگو کرتے ہوئے بتایا کہ 2002 سے اب تک 32 کلچرل مقامات کی بحالی پر کام کر چکے ہیں۔انہوں نے کہا کہ امریکہ اور پاکستان کے تعلقات بہت گہرے ہیں، لاہور کی مسجد وزیر خان میں بحالی کا یہ پانچواں پروگرام ہے۔