چیف جسٹس کی زیر صدارت اجلاس زیر التوا مقدمات اور دیگر امور پر غور

29 ستمبر ، 2023

اسلام آباد(نمائندہ جنگ )چیف جسٹس قاضی فائز عیسیٰ نے ملک بھر کے لاء افسران سے سپریم کورٹ کی کارکردگی اور کام کو بہتر بنانے کے لیے تجاویز طلب کرلی گئی ہیں ، جسٹس قاضی فائز عیسیٰ کی زیرصدارت اجلاس ہوا ،جس میں سپریم کورٹ کے سینئر ترین جج جسٹس طارق مسعود ،اٹارنی جنرل ، صوبائی ایڈووکیٹ جنرل، نیب پراسیکیوٹر جنرل اور صوبائی پراسیکیوٹر جنرل نے شرکت کی ،اجلاس میں لاء افسران کو آئندہ مکمل تیاری کے ساتھ مقدمات میں پیش ہونے پر اتفاق کیا گیا جبکہ زیر التواء مقدمات کے حل پر بھی غور کیا گیا، چیف جسٹس نے لاء افسران کو سپریم کورٹ کی کارکردگی اور کام کو بہتر بنانے کے لیے تجاویز پیش کرنے کے لئے کہا گیا۔