فیض آباد دھرنے کیخلاف کارروائی ہماری حکومت کی مرضی سے نہیں ہوئی،شاہد خاقان

اسلام آباد(آئی این پی)سابق وزیراعظم شاہد خاقان عباسی نے کہا ہے کہ فیض آباد میں دھرنے والوں کے خلاف کارروائی ہماری حکومت کی مرضی سے نہیں ہوئی تھی، عدالت نے انہیں منتشر کرنے کا حکم دیا تھا، ہم انہیں سکیڑ کر منتشر کرنا چاہتے تھے، ایک انٹرویو میں نے کہا کہ پولیس آپریشن بھی بد دلی سے ہوا، یہ معاملات جیسے نظر آتے ہیں اس سے زیادہ سنجیدہ ہیں، ان پر ٹی وی پر تبصرہ نہیں ہونا چاہیے، ہاں اگر عدالت بلائے تو اس کے سامنے حقائق رکھ دیں گے، انہوں نے کہا کہ شہباز شریف کو جواب دینا چاہیے کہ ہمارا موقف اگر تبدیل ہوا ہے تو کیوں ہوا ؟ پی ڈی ایم کی 16 مہینے کی کارکردگی کا ن لیگ کے ووٹ پر اثر پڑے گا، ووٹر جو سوال کرتا ہے ان کے جواب ہمارے پاس نہیں ہیں۔