اربوں کی ٹیکس چوری روکنے کیلئے وزیر خزانہ کی سربراہی میں ٹاسک فورس قائم

کراچی(این این آئی)ٹیکس محاصل میں سالانہ5ہزار 600ارب روپے کی چوری روکنے کیلئے ٹاسک فورس قائم کردی گئی۔ نگران وزیر خزانہ ڈاکر شمشاد اختر کی سربراہی میں ٹاسک فورس ایف بی آر میں اصلاحات کرے گی۔ ٹاسک فورس میں نگران وزیر خزانہ کے علاوہ چیئرمین فیڈرل بورڈ آف ریونیو (ایف بی آر)امجد زبیر ٹوانہ، ڈاکٹر منظور احمد، ڈاکٹر مشرف، امان اللہ عامر، عامر اعجاز، خالد محمد اور محمود خالد بھی شامل ہیں۔ ممبر ایف بی آر ریفارمز ارد شیر سلیم طارق کو ٹاسک فورس کا سیکرٹری مقرر کیا گیا ہے۔ٹیکس لیکیج روکنے کیلئے قائم ٹاسک فورس ٹیکس سسٹم، ایف بی آر میں اصلاحات کیلئے سفارشات تیار کرے گی اور ٹیکس چوری، سمگلنگ، کرپشن روکنے، انکم ٹیکس، سیلز ٹیکس سمیت مختلف شعبوں میں ریونیو نقصان کا جائزہ لے گی۔