امریکہ ،طوفانی بارشوں سے نیویارک ڈوب گیا، ایمرجنسی نافذ

نیویارک(نیوز ایجنسیاں) امریکہ میں طوفانی بارشوں سے نیویارک ڈوب گیا جس سے نظام زندگی درہم برہم ہوگیا اور مزید بارشوں کی پیش گوئی کے باعث ایمرجنسی نافذ کردی گئی۔ گزشتہ5روز سے مسلسل ہونے والی بارشوں سے نیویارک کے مختلف حصے زیر آب آگئے پانی کے ریلوں نے سڑکوں کو ندی نالوں میں تبدیل کردیا زیرزمین ٹرین کے نظام کو پانی بھرنے کے باعث بند کردیا گیا جبکہ طوفانی بارشوں کے باعث سیکڑوں پروازیں منسوخ کردی گئیں اور تاخیر کا شکار ہوئیں ۔ نیویارک کے جان ایف کینیڈی ائیرپورٹ پر 3 انچ سے زیادہ پانی کھڑا ہوگیا۔ مزید بارشوں کی پیش گوئی کی گئی ہے ۔