قطر کیلئے بُک کنٹینر سے پیاز میں چھپائی گئی3من منشیات برآمد

راولپنڈی (جنگ نیوز) قطر کے لیے بک کرائے گئے کنٹینر سے پیاز میں چھپائی گئی3من سے زائد چرس برآمد کرلی گئی۔ترجمان اینٹی نارکوٹکس فورس کے مطابق کراچی میں پاکستان انٹرنیشنل کنٹینر ٹرمینل پر ایک بڑی کارروائی کی گئی۔اے این ایف نے دوحہ کے لیے بُک کیے گئے کنٹینر سے 3 من سے زائد چرس برآمد کرلی۔ تلاشی لینے پر پیاز سے بھرے کنٹینر میں چھپائی گئی 125 کلوگرام چرس برآمد ہوئی، جسے مہارت کے ساتھ پیاز کی جھلیوں میں چھپایا گیا تھا۔کنٹینر کراچی کی نجی کمپنی کی جانب سے قطر کے لیے بک کیا گیا تھا۔ اے این ایف حکام نے منشیات قبضے میں لے کر ملوث ملزمان کی تلاش شروع کر دی ہے۔